दिपायल- नेपाल कम्युनिष्ट पार्टी (एकीकृत समाजवादी) को सुदूरपश्चिम प्रदेश अध्यक्षमा लालबहादुर खड्का चयन भएका छन्।
नेकपा (एकीकृत समाजवादी) प्रथम सुदूरपश्चिम प्रदेश अधिवेशनले सर्वसम्मत रूपमा खड्काको अध्यक्षतामा नयाँ प्रदेश नेतृत्व चयन गरेको हो।

प्रदेश उपाध्यक्षमा धनबहादुर बोहरा र शिवबहादुर कुँवर चयन भएका छन् भने सुरेन्द्रमान कार्कीलाई सचिवको जिम्मेवारी दिइएको जनाइएको छ ।
यस्तै, उपसचिवमा गणेश साउद, राधिका अवस्थी र गोरख सार्की चयन भएका छन्। नवनिर्वाचित अध्यक्ष खड्काले पार्टी संगठन सुदृढीकरण र सुदूरपश्चिम प्रदेशको विकासका लागि सक्रिय रूपमा काम गर्ने प्रतिबद्धता व्यक्त गरेका छन्।
उनले पार्टीलाई बलियो बनाउन कार्यकर्ताहरूलाई एकताबद्ध गर्दै अघि बढ्ने बताएका छन्। सुदूरपश्चिम प्रदेशमा नेकपा (एकीकृत समाजवादी) को भूमिकालाई थप प्रभावकारी बनाउन नवगठित कमिटीले महत्वपूर्ण भूमिका खेल्ने अपेक्षा गरिएको छ।