डोटी– केआईसिंह गाउँपालिकामा विभिन्न कार्यक्रम गरी २१औं राष्ट्रिय महिला सामुदायिक स्वास्थ्य स्वयम् सेविका दिवस मनाइएको छ।
तिखात्तर स्वास्थ्य चौकीको आयोजनामा “विविध स्वास्थ्य क्रियाकलापहरूमा महिला सामुदायिक स्वास्थ्य स्वयम् सेविकाको भूमिका, स्वस्थ समाज निर्माणमा सहभागिता” भन्ने नाराका साथ दिवस सम्पन्न भएको हो।
कार्यक्रमका दौरान सम्पूर्ण महिला स्वास्थ्य स्वयम् सेविकाहरूलाई नगद पुरस्कार र प्रमाणपत्र वितरण गरी सम्मान गरिएको थियो।
कार्यक्रममा महिला स्वास्थ्य स्वयम् सेविकाहरूले समुदायमा पुर्याउँदै आएको योगदानलाई उच्च सम्मान गरिएको छ। वडाध्यक्ष नेत्र बहादुर रावलले स्वास्थ्यकर्मिहरूकाे मनाेबल बढाउन आफू सधै लागिपर्ने बताए ।
दिवसको अवसरमा आयोजित कार्यक्रमले महिला स्वयम् सेविकाहरूको महत्त्वपूर्ण भूमिकालाई उजागर गर्दै स्वस्थ समाज निर्माणमा उनीहरूको सक्रिय सहभागिता प्रोत्साहन गर्ने लक्ष्य राखेको स्वास्थ्य चाैकी ईन्चार्ज गणेश आउजीले बताए । सम्मानित र पुरस्कृत सम्पूर्ण स्वयम् सेविकाहरूलाई हार्दिक बधाई तथा शुभकामना व्यक्त गरिएको ईन्चार्ज आउजीले जानकारी दिए ।
कार्यक्रममा स्थानीय जनप्रतिनिधि, स्वास्थ्यकर्मी, र समुदायका सदस्यहरूको उत्साहपूर्ण सहभागिता रहेको थियो।
प्रतिक्रिया