डोटी, बडीकेदार गाउँपालिका ४ मा रहेकोे स्थानीय काउले बजार सरसफाई गरिएको छ । रनुकाँडा युवा क्लबको अगुवाईमा स्थानीयको सहभागितामा बजार सरसफाई गरिएको रनुकाडा युवा क्लबका अध्यक्ष बिशाल ताडीले बताए । उनले भने बजार क्षेत्रमा पक्कीरोड भईसक्यो, बिजुली बिस्तार भईरहेको छ त्यसैले सडक क्षेत्रलाई स्वच्छ र सुन्दर बनाउन सरसफाई अभियान संचालन गरेको बताए । युवा क्लबले आगामी दिनमा युवाहरुको क्षमता बिकास, मानबिय सेवाका साथै सामाजिक कार्यलाई निरन्तरता दिने समेत अध्यक्ष ताडिले बताए । सरसफाई कार्यक्रममा युवा क्लबका पदाधीकारी, स्थानीय ब्यापारी, शिक्षक, बुद्धीजिबी लगाएको सहभागिता रहेको थियो ।