डाेटी । त्रिभुवन विश्वविद्यालय केन्द्रीय क्याम्पसमा नेपाल विद्यार्थी संघ डोटीका श्यामराज ओझा सभापति विजयी भएका छन्। आइतबार सम्पन्न स्वतन्त्र विद्यार्थी युनियनको निर्वाचनमा ओझाले ३ सय ३१ मतकाे अग्रता ल्याउदै विजयी भएका हुन । उनले ९६२ मत पाएका थिए भने उनका निकटतम प्रतिद्वन्द्वी अनेरास्ववियुका प्रकाश विष्टले ६३१ मत ल्याएका थिए । ओझा डाेटीकाे के.आइ.सिंह गाउँपालिका वडा नं. ३ बासुदेवी निवासी हुन्र । त्रिभुवन विश्वविद्यालय केन्द्रीय क्याम्पसमामा पहिलाेपटक डाेटीका विधार्थीले इतिहास काेरेकाे भन्दै उनलाइ विभिन्न माध्यमबाट बधाइ दिनेकाे ओइराे लागेकाे छ ।
१३ वटा विद्युतीय मेशिनबाट सम्पन्न मतदानमा मतदाता संख्या ३४ सय ४ रहेकामा २ हजार ७५ मत खसेको थियो।
ओझा र विष्टसहित क्रान्तिकारीबाट मदन केसी मैदानमा थिए। त्यस्तै नेविसंघबाट विद्रोह गरेर विष्णु बडैला, मिलन बस्नेत, दीपक जोशी स्वतन्त्र उठेका थिए। तर उनीहरुले अन्तिम समयमा ओझालाई समर्थन गर्दै उम्मेदवारी निष्क्रिय गरेका थिए।