डोटी ।डोटीमा जिप र मोटरसाईकल एक आपसमा ठोकीएर भएको दुर्घटनामा परि घाइते भएकी एक महिलाको मृत्यु भएको छ ।
मङ्गलवार बिहान भएको जिप दुर्घटना परि गम्भीर घाइते भएकी ६५ बर्सिया धौली बिस्टको मृत्यु भएको जिल्ला प्रहरी कार्यालय डोटीका प्रहरी निरीक्षक देवेन्द्र राज जोशीले बताए ।
उनलाई थप उपचारका लागि नेपाली सेनाको हेलिकप्टर मार्फत नेपालगञ्ज मेडिकल कलेज रिफर गरिएको थियो । उनको उपचारका क्रममा साझँ मृत्यु भएको प्रहरीले जनाएको छ । उनि संगै रिफर गरिएका मोटरसाइकल चालक विष्णु बोहराको मेडिकल कलेजमा उपचार भइरहेको प्रहरीले जनाएको छ ।
मङ्गलवार बिहान सिलगढी स्थित अदालत मोड नजिक भएको जिप दुर्घटनामा परि उनी सहित ६ जना घाइते भएका थिए । सिलगढीबाट दिपायल जाँदै गरेको सु.प्र.प ०१००१ ज १२५९ नम्बरको जिप र विपरीत दिशाबाट आइरहेको सु.प्र.प ०१०१० प ४७७४ नम्बरको मोटरसाइकल एक आपसमा ठोक्किएर दुर्घटना भएको थियो ।
सोही दुर्घटनामा परी घाइते भएका अन्य ४ जनालाई पनि थप उपचारका लागि नेपालगन्ज रिफर गरिएको छ । घाइते २९ बर्सिया टङ्क कुमारी उपाध्याय, २४ बर्सिया दुर्गा देवी बिस्ट, ४९ वर्षीय जीर्ण बम र डेढ वर्षीय बालक सिर्जन बिस्टलाई एम्बुलेन्सबाट नेपालगन्ज पठाइएको प्रहरीले जनाएको छ ।